Neu Informasie! Prins oetrope I gen Dörp

Woeësjbülle JoebelFés

12 joar K.K. de Woeësjbülle

• Leef pratsjbeere va Welte en Bensroa 't is da zoeë wiet: d'r K.K. de Woeësjbülle hat Joebiléoem. 12 joar lank hant v'r uch luuij van Welte en Bensroa d'r pis lauw gemak. 12 joar hant v'r al dé zeek uever uch hin moage sjudde dat v'r os zelf déks aafvroage wie lang hoate ze dat noch vól . 12 joar lank hat dier os 't podium en 't applaus gegeëve woa vier noe va weete wat dier allenuij hat motte durchsjtoa. Went inne ee Joebiléoem mot viere da zit dier dat Luuij van Welte en Bensroa. En doavuur nuëdige vier uch oet als joebelaris op uch eege Fés. Me doa sjteet evvel get tegenuever. In die 12 joar hasze natuurlik get oetgevreëte. Beijvuurbeeld: ins ing kier aafgewésje, d'r honk in 't Pruusses lotte dekke, ing doef gemolke, d'r baas op d'r zak gehoawe, tège de dur van d'r noaber gepis, ee bengsjke geklauwt, de vrouw noa 4 joar wér ins gepuutsjt, d'r pestoer mit de més geholpe, de brónk pöal opgezat, belke getrokke, wie inne zaate loewie heem koame, d'r kanarie vetgemés, dich aagemeld beij de Vlavretere, inne rollater geklauwt vuur d'r optoch, trekzak gesjpilt, 40 joar beij d'r verrein, ing sjutterei opgerich, en gank zoemar wieër. Op 't Woeësjbülle Joebelfés komt dier verkleid in uch eege joebiléoem thema, zoeëdat och ee udder wat al 15 joar OU in d'r bulles hat uch kint.
  
  

• Woeësjbülle Joebelfés
  Karnevalszoadesjdig 2 fibberwaar vanaaf 16 oer
  Gedoogzone: Marian en Lon Teerling i gen Kirksjtroat
  Sjriev ut dich op d'r kalender van d'r kiebel.