D’r K.K. de Woeësjbülle nuëdige oet, weë?

Gans Welte en Bensroa en get gezoks oet de boetedurper
vuur d’r grutse flauwezeek wat d’r herjot onger dr Hiemel hat gemak.

Onger d’r Titel: “D’r Sjeng dr Ieësjte en zieng sjwatte doeës”
maake v’r d’r wèr inne sjtronks gemuutliche middig va.

D’r Sjeng d’r Ieësjte van d’r K.K. de Woeësjbülle op zeuk noa zieng sjwatte doeës. Nuisjierig wiete is woal dé iepekriep toch wal ins weete woa zieng sjwatte doeës woar blieve. Noa lang zeuke en veul umsjwerminge langs en in veul hiligge hüskes hatte zieng sjwatte doeës endlich gevonge. En woa da? zal dr uch da waal aafvroage? Ja eegentlich kinne vr uch doa gee antwoad op geeve wan he wit t zelluf neet mieje richtig. D'r mot weete dr Sjeng dr Iesjte hat vreuger inne sjlaag vuur de heure gekriege van ing kruppele kouw oet Bensroa. Hé woal dat erm deer leëg milke mé veel bei d’r ieësjte trek aan de deëme vaan ‘t kruksje en bleef zich vás hoate aan die deem die almieëlich inne meter langer woeët. Die kow óch neet va gister, die wis neet wat aan d’r woar en heef dr Sjeng mit inne poeët vuur de heure. Sinds dé tied is d’r jong nimmer beij zie volle versjtank. Wélk udder zouw angesj prins van de Woeësjbülle wille zieje en dat vuur ‘t leëve. Ni dames en heere vr hant in dr kloep neet aldaag kirmes, zieëker neet mit zoeë udder wie dr Sjeng d’r Ieësjte. Mé alli hé woar op zeuk noa zieng sjwatte doeës en die hatte da och vonge. Woa? In ee loak tusje Bensroa en Welte dat gen Rousch hit. En in dat loak loog neet alling zieng sjwatte doeës mé och ‘t sjwat geld van d’r Bekkesj va gen Rousch. Dat sjwat geld hant v’r mit ing hongskar weggesjlipt. ‘t Geld hant vr verzoape en dr Sjeng hoal zieng sjwatte doeës. Mé noe truuk noa d’r Sjeng, dé zich zieng sjwatte doeës oet dat loak houw gehold. Daag hatte vuur die doeës a genne kuuëkedusj gezeëte en hé sjnapde dr ginne kloeët va. Wie wirkt zoeng doeës, vroage aa os. Ja zagte vier, du zuuës wat drin geet en doe zuuës wat droet kunt, mé wat zich doa binne i aafsjpilt wit gee miensj. Hé rent noa dr sjtaal, holt zich inne hamer en ee biel en wilt wie inne dulle op die doeës go houwe. Ho ho zeet dr Willie, ozze prissedent, lotte vr die sjwatte doeës op éé moment oapene woa mieje luuij mit kinne kieke.

Op Karnelavalsmondig 20 fibberwaar vanaaf 12.30 oer vuur t patternaat i Welte:

D'r Sjeng dr Ieësjte en ‘t verhoal van zieng sjwatte doeës.

Organisasie

Vasteloavend Same

Same mit d’r inzigste, d’r mieëst sjtaatse en zieëker d’r sjunste karnevals kloep va gans Europa!

d’r K.K. de Woeësjbülle,

effe angesj!